Haqqımızda

Şirkət haqqında Məqsədimiz Dəyərlərimiz Tövsiyyə məktubları

AS Group ailəsinin ən böyük şirkətinə xoş gəlmisiniz!

AS İnşaat MMC şirkəti AS Group şirkətlər qrupuna daxil olan ən böyük şirkətlərdən biridir. 2003-ci ildə inşaat sektorunda yeni bir marka formalaşdırmaq üçün yaradılmış şirkət, 19 illik fəaliyyəti dövründə daha çox dövlət sifarişli layihələrin icrasında iştirak etmişdir. Yarandığı gündən texnologiya və insan kapitalına yatırım etməyi qarşısına məqsəd qoyan şirkət, fəaliyyət göstərdiyi illər ərzində Bakı şəhəri də daxil olmaqla, bölgələrdə 100-dən çox layihəyə imza atmışdır.

İnkişafımızın səbəbkarları var

AS İnşaat şirkətinin uğurunun xüsusi düsturu mövcud deyil. Biz sadəcə inşaat sektorunda ixtisaslı kadrlara vaxtında və doğru yatırım etmişik. Gördüyümüz işlərin uğurlu olmasının və keyfiyyətli şəkildə təhvil verilməsinin səbəbi ətrafımıza topladığımız mütəxəssislərdə cəmləşib. İnkişafımıza təkan verən tək qüvvə insan kapitalıdır.

Görüb götürməyi də bacarırıq

İcrasını həyata keçirdiyimiz layihələrdə qarşı tərəfin istəklərinin nəzərə alınması üçün daim axtarışlarda oluruq. Görüb götürmək üçün də inşaat sektorunda baş verən yenilikləri izləyir, müasir metod və texnologiyaları öz layihələrimizdə necə tətbiq edəciyimizi araşdırırıq. Çalışırıq ki, icrasını həyata keçirdiyimiz layihələr beynəlxalq standartlara cavab verməklə yanaşı, müasir tələblərə də cavab versin.

Bu gün tikinti sektorunda adımızın qarşısında olan “AS” statusumuzu qoruyub saxlamaq üçün fəaliyyətimizi uğurla davam etdiririk.

Keyfiyyətli işlər görmək

İcra etdiyimiz bütün layihələrdə hər şeyin bizdən asılı olduğunu yaxşı bilirik. Nəticənin keyfiyyətli olması üçün işin hər bir mərhələsini bir daha yoxlamaq məcburiyyətindəyik. Bu həm bizim borcumuz, həm də keyfiyyət vurğunu olmağımızdan irəli gəlir.

Vaxtında təhvil vermək

Bizim işimiz tikinti gedəcək ərazidə layihə ilə bağlı məlumatlandırıcı lövhə asılmazdan əvvəl başlayır. Layihələri vaxtında və qüsursuz təhvil vermək üçün bütün gücümüzü səfərbər edirik ki, inşaat sektorunun AS-ı olduğumuzu bir daha sübuta yetirək.

Yeniliklər gətirmək

Biz daim axtarışdayıq. İnşaat sektorunda baş verən yenilikləri birinci tətbiq etmək üçün qlobal və yerli tikinti bazarını addım-addım izləyirik. Məqsədimiz gördüyümüz işlərdə keyfiyyəti qorumaq şərti ilə işimizi təkmilləşdirməkdir.

Kadrlar yetişdirmək

İnşa etdiyimiz kimi, yeni kadrlar yetişdirməyi də qarşımıza məqsəd qoymuşuq. Biz təcrübəli kadrlar ilə inşaat sektoruna yenicə addım atmış potensiallı kadrları bir araya gətirməkdə maraqlıyıq. Bu yanaşmanın yeni fikir və istiqamətlərin formalaşmasına təkan verəcəyinə inanırıq.

Bizə etibar etdilər

Şəffaflıq

Müştərilərimizə, rəqiblərimizə və cəmiyyətimizə qarşı davranışımızda şəffaflığa üstünlük veririk. Biz bazarın və bazar iştirakçılarının inkişafının tək yolunu şəffaflıqda görürük. Buna görə də etik kodeksinə ciddi əməl etməklə fərqli bir mədəniyyət sərgiləyirik.

Etibarlılıq

Əməkdaşlarımızla qarşılıqlı inam, hörmət və anlaşma əsasında münasibət qururuq. Onların uğurlarını paylaşır və uğursuzluqlarına qarşı birlikdə mübarizə aparırıq. Bu bizə gördüyümüz işlərdə etibarlılıq və nizam-intizam qazandırır.

Əməkdaş təhlükəsizliyi

Əməkdaşlarımızın fəaliyyətlərini sağlam və təhlükəsiz şəkildə həyata keçirə biləcəkləri iş mühitinin təmin edilməsi və bunun qarşısını alacaq risklərin aradan qaldırılmasıına çalışırıq. Bu məsələdə əməyin mühafizəsi və təhlükəsizliyi bizim üçün ön plandadır.

Ətraf mühit

İstər şirkət daxilində, istərsə də icra etdiyimiz layihələrdə ölkəmizin ekoloji balansını qorumağa çalışırıq. Şirkətin bu daxili siyasətini əməkdaşlıq etdiyimiz fərdi və korporativ müştərilərimizə də aşılamaqdayıq.

Bizə etibar etdilər